Ядролық медицина және онкология орталығымен ынтымақтастық

ҚР Ұлттық ядролық орталығында Абай облысының Ядролық медицина және онкология орталығының делегациясымен кездесу өткізілді.

Кездесу барысында тараптар ынтымақтастық бағыттарын талқылап, екі жақтың ғылыми-зерттеу және ғылыми-өндірістік қызметінің өзекті мәселелері бойынша жобалар мен бағдарламаларды бірлесіп іске асыруды, ғылыми, ғылыми-техникалық қызмет нәтижесін коммерцияландыруды, кадр біліктілігін арттырып, қайта даярлауды және басқа да мәселені көздейтін меморандумға қол қойды.

Құжатқа қол қою медицинада ядролық технологияны қолдану саласындағы әріптестікті нығайту және бірлескен ғылыми-практикалық бастамаларды дамыту жолындағы маңызды қадам болды.