Халықаралық диалогты және білім алмасуды жалғастыру

Краков, Польша. ПҒА ядролық физика институтында өткен ENVIRA 2025 қоршаған ортаның радиоактивтілігі жөніндегі 8-ші халықаралық конференцияда ҚР ҰЯО ғалымдары радиоэкологиялық зерттеулердің нәтижелерін ұсынды. Конференция бағдарламасы 250-ден астам баяндаманы қамтыды және кең ауқымды тақырыптарды қамтыды: ядролық қондырғылардың әсері және оларды пайдаланудан шығару, табиғи процестер мен климаттың индикаторлары ретінде радионуклидтерді пайдалану, стандартты материалдарды әзірлеу және басқа да бағыттар.

Екатеринбург, Ресей. ҚР ҰЯО қызметкерлері Өсімдіктер мен жануарлар экологиясы институты ұйымдастырған «Генетика. Эволюция. Радиоэкология» Халықаралық қатысумен Бүкілресейлік конференцияға қатысты. Генетика, эволюция, популяциялар мен қоғамдастықтардың экологиясы, биофизика, радиобиология және импакт аумақтарды зерттеу мәселелері басты назарда болды. Біздің мамандар бұрынғы ССП топырағында берік байланысқан тритийдің биологиялық қолжетімділігі, полигон экожүйесіне радиациялық факторлардың әсері және радиоактивті ластанған суларды тазарту кезінде әртүрлі сорбенттердің тиімділігі бойынша зерттеулердің нәтижелерін ұсынды.

Баяндамалардың нәтижелері одан әрі зерттеулер үшін негіз болады, ал конференцияларға қатысу халықаралық байланыстарды нығайтуға және әріптестерден кері байланыс алуға мүмкіндік берді.