Биодозиметрияда заманауи ЖИ-технологиясын қолдану

МАГАТЭ техникалық ынтымақтастығы ұлттық жобасы шеңберінде Ұлттық ядролық орталыққа ең жаңа жабдық – MetaSystems (Германия) компаниясының зияткерлік бағдарламалық жасақтамасы мен Carl Zeiss электрондық микроскопы негізіндегі автоматтандырылған цитогенетикалық платформа жеткізілді. Жабдық пайдалануға сәтті енгізілді. 

Әлемдік стандарттарға сәйкес келетін озық технологиялар мен заманауи цитогенетикалық әдістерді қолдану биодозиметриялық зерттеу тиімділігін арттырып, Қазақстанның радиациялық қауіпсіздік саласындағы ғылыми-техникалық әлеуетін кеңейтуге мүмкіндік береді.

Мұндай жабдықты пайдалану еліміздің халықаралық аренадағы радиациялық қорғаудың жоғары стандарттарын, радиациялық және ядролық оқыс оқиғаларға ден қоюға әзірлігін қамтамасыз етуге қабілетті сенімді және білікті әріптес ретіндегі позициясын нығайтады.