Әлемдік стандарттарға сай келеді

         Бүгінгі таңда ҚР Ұлттық ядролық орталығының цитогенетикалық зертханасы Еуропа, Америка және Жапонияның биодозиметрлік зертханалары сияқты ең заманауи жабдықтармен жабдықталған. МАГАТЭ ұсыныстарын басшылыққа ала отырып, ҚР ҰЯО-да цитогенетикалық дозиметрияның 4 әдісінің 3-еуі игерілді, олар: цитогенетикалық талдау, цитокинезді бұғаттай отырып микроядролық тест жүргізу және флуоресценттік будандастырудың in situ әдісі.

         Электрондық Carl Zeizz микроскобы негізіндегі автоматтандырылған цитогенетикалық жүйе, сондай-ақ 8 препаратқа арналған MSearch метафазаларды автоматты іздестіру жүйесі, Metafer 4, Ikaros, Isis программалық жасақтамалары зерттеу нәтижелерінің сапасын арттыруға және жаңғыртуға мүмкіндік беріп, төмен дозалар кезіндегі статистикалық қателіктерді төмендетеді. Кескіндерді цифрлаудың арқасында талдау жүргізуге кететін жалпы уақыт бірнеше есе қысқарады.

         Төмендегі суретте AxioImager микроскобының 1998, 2012 және 2016 жылдары сатып алынған түрлері берілген. Соңғы үлгі Қазақстанда тек ҚР ҰЯО-да ғана бар.