Азиядағы ядролық кооперация форумының (FNCA) ядролық қауіпсіздік жобасы және кепілдіктер жөніндегі семинары


13 қаңтар 2023

 

 

ҚР Ұлттық ядролық орталығы Азиядағы ядролық кооперация форумының (FNCA) ядролық қауіпсіздік жобасы және кепілдіктер жөніндегі 12-ші семинарына қатысты.

Биылғы жылы кеңесті Таиландтың Атом энергиясын бейбіт мақсатта пайдалану мәселелері жөніндегі басқармасы, Жапонияның Білім, мәдениет, спорт, ғылым және технологиялар министрлігі мен Ядролық қауіпсіздік мәселелері жөніндегі ғылыми-зерттеу ұйымы ұйымдастырды. Семинарға Австралия, Бангладеш, Қытай, Индонезия, Қазақстан, Корея, Малайзия, Моңғолия, Филиппин, Тайланд, Вьетнам, Жапония елдері қатысты.

Спикерлер өткен 2022 жылдағы ядролық қауіпсіздікті дамыту және жақсарту, кепілдіктерді жүзеге асыру, ядролық қауіпсіздік мәдениеті және әлеуетті нығайту мәселелері бойынша баяндамалар ұсынды.

Семинар аясында МАГАТЭ, Еуропалық комиссияның бірлескен зерттеу орталығы, Жапонияның Атом энергиясы агенттігінің өкілдері ядролық сараптама (криминалистика) мәселелері бойынша өңірлік ынтымақтастық шеңберінде өткізілген қызмет бойынша бірқатар дәрістер ұсынды, сондай-ақ сараптамалық бақылау және қосымша хаттама мәселелеріндегі озық тәжірибелер туралы баяндады.

 

 

международное сотрудничество FNCA Ядерная безопасность Япония МАГАТЭ семинар РГП НЯЦ РК атомная энергетика мирный атом Форум по ядерной кооперации в Азии Таиланд