ҚР Ұлттық ядролық орталығы әлемдегі ірі халықаралық ғылыми баспа – Springer Nature журналдарында ең көп жарияланатын Қазақстан ұйымдарының ондығына кірді


14 желтоксан 2016

Springer Nature 1842 жылдан бері келе жатқан әлемдегі ірі халықаралық ғылыми баспа болып табылады. Оның үстіне 2015 жылғы мамырда оның ұстанымы күшейтіліп, әйгілі екі компания – Palgrave Macmillan-ға тиесілі Nature баспа тобын (Nature and Scientific American) және  Springer Science+Business Media-ны біріктіру жолымен Springer Nature компаниясы құрылды.

Springer Nature журналдар коллекциясына Springer және Nature баспаларының барлық журналдар жинағы кіреді:

- Springer журналының ағылшын тіліндегі 2500-ден астам атауы;

- Springer журналының неміс тіліндегі 200-ден астам атауы;

- Nature Partner journals, Nature Academic journals, Scientific American және Palgrave McMillan қоса алғанда Nature баспасының 134 журналы.

Бүгінгі күні Springer Nature Қазақстанның жарық көрген мақалалары мен кітаптарының саны бойынша № 1 баспа болып табылады. Мәселен, 2006 жылдан 2016 жылға дейін Қазақстан ғалымдары Springer-дің 403 журналында 2133 мақала жариялады. Осылайша, жыл сайын Қазақстан ғалымдары басылымның рейтингісі жоғары журналдарында 300-ден аса мақала жариялайды, бұл шет елде Қазақстанның жарық көретін  барлық мақалаларының жалпы санының 15%-ын құрайды. Қазақстан ғалымдарының шетелде жариялайтын әрбір бесінші мақаласы Springer Nature журналдарында жарық көреді.

публикации Springer Nature