Халықаралық ынтымақтастықты нығайту және ҚР ҰЯО мен NAGRA арасында жол картасына қол қою

Қазақстан Республикасының Ұлттық ядролық орталығы Қазақстан-Швейцария үкіметаралық комиссиясының 12-ші отырысына қатысты.

Отырыс шеңберінде ҚР ҰЯО мен швейцариялық NAGRA компаниясы арасында екіжақты ғылыми-техникалық ынтымақтастықты дамытуға бағытталған жол картасына қол қойылды.

Өзара іс-қимылдың негізгі бағыттары радиоактивті қалдықтармен жұмыс істеу саласындағы ынтымақтастық, ғылыми зерттеулер жүргізу және кәсіби тәжірибе алмасу болады.

Жоспарланған іс-шараларды іске асыру қазақстандық және швейцариялық мамандар арасындағы өзара іс-қимылды нығайтуға, ғылыми білім алмасуға және ядролық технологиялар саласындағы құзыреттерді дамытуға мүмкіндік береді.