Қала кітапханасындағы тақырыптық кітап көрмесі

Ғылым қызметкерлері күніне арналған іс-шаралар легінің қорытынды кезеңі ретінде Қазақстан Республикасының Ұлттық ядролық орталығының қолдауымен Курчатов қалалық кітапханасында тақырыптық кітап көрмесі ұйымдастырылды.

Көрмеде ғылым тарихына, маңызды жаңалықтарға, атом энергетикасын дамытуға және ғалымдардың технологиялық прогреске қосқан үлесіне арналған басылымдар ұсынылды.

Көрме ғылыми-көпшілік және салалық әдебиетке қызығушылық танытатын оқушылар мен оқырмандардың кең аудиториясына арналған. Ұсынылған материалдар ғылым мен технология саласындағы білімді тереңдетіп, адамның ой-өрісін кеңейтуге мүмкіндік береді.

Мұндай іс-шаралар оқушыларға қазіргі ғылымның қалай дамып жатқанын тереңірек түсінуге, оның практикалық қырын көрсетуге және ғылымға деген қызығушылығын оятуға көмектеседі. Көпшілігі үшін бұл болашақ мамандықты саналы түрде таңдауға және зерттеу қызметімен тереңірек танысуға жасалған алғашқы қадам болмақ.