ҚР ҰЯО-ның ғылыми инфрақұрылым объектілеріне жасалған экскурсия

Ғылым қызметкерлері күні қарсаңында Қазақстан Республикасының Ұлттық ядролық орталығы Курчатов қаласының жоғары сынып оқушыларына ашық есік күнін өткізді.

Мектеп оқушылары кәсіпорынның ғылыми инфрақұрылымымен танысып, Радиациялық қауіпсіздік және экология институтының зертханаларын аралап, бірегей қондырғы – Қазақстандық КТМ материалтану токамагын көріп қайтты.

Экскурсия барысында қатысушылар негізгі зерттеу бағыттарымен, ғылыми бөлімшелердің жұмыс ерекшелігімен жақынырақ танысты.

ҚР ҰЯО РМК мамандары оқушылардың сұрақтарына жауап беріп, ғылыми қызметтің қыр-сыры жайлы әңгімелеп берді.