Эколог күні құтты болсын!

Құрметті әріптестер! 

Экология саласының және табиғатты қорғау қызметінің мамандарын, ғылыми қызметкерлерін, сондай-ақ өз еңбек жолын қоршаған ортаны қорғауға арнаған азаматтарды Эколог күнімен және Дүниежүзілік қоршаған ортаны қорғау күнімен құттықтаймын!

Әсіресе Радиациялық қауіпсіздік және экология институтының ұжымына ерекше алғысымды білдіремін. Сіздердің кәсіби шеберліктеріңіз бен ұзақ жылғы еңбектеріңіздің арқасында радиоэкология, радиациялық мониторинг және қоршаған ортаның жай-күйін бағалау саласында ауқымды зерттеулер ойдағыдай жүзеге асырылып келеді. Еңбектеріңіздің жемісі еліміздің экологиялық және радиациялық қауіпсіздігін қамтамасыз етуге бағытталған маңызды шешімдер қабылдауға сенімді ғылыми негіз болып отыр.

Сіздерге зор денсаулық, жаңа ғылыми жетістік, кәсіби табыс, бақ-береке тілеймін. Көздеген жоспарларыңыз сенімді түрде жүзеге аса берсін!