Жоғары білікті ғылыми кадрды дамыту: жаңа мүмкіндіктер

Қазақстан Республикасының Ұлттық ядролық орталығы мен Шәкәрім университетінің бірлескен диссертациялық кеңесінде «Физика және химия ғылымдары» бағытында «Химия» білім беру бағдарламасы бойынша алғаш рет PhD-диссертация қорғалды.

Диссертациялық кеңестің төрағасы физика-математика ғылымдарының докторы, профессор, ҚР Президенті жанындағы Ұлттық ғылым академиясының академигі, ҚР Ұлттық ядролық орталығының бас директоры Эрлан Ғаділетұлы Батырбеков болды.

Диссертациялық жұмыс Солтүстік-Шығыс Қазақстандағы емдік балшықтың құрамы мен физика-химиялық қасиеттерін кешенді зерттеуге, сондай-ақ липидтік биологиялық белсенді компоненттерді бөліп алу және сәйкестендіру мәселесіне арналды.

Сәтті қорғалған диссерация химия бағытында жоғары білікті ғылыми кадр даярлауды кеңейтудің маңызды кезеңі болды.