Термоядролық зерттеулер саласындағы ынтымақтастық

ҚР Ұлттық ядролық орталығының қызметкерлері Санкт-Петербургтегі «Глобус-М» термоядролық қондырғысында тағылымдамадан өтті.

Бұл сапар басқарылатын термоядролық синтез саласындағы халықаралық ынтымақтастықты дамытудың маңызды кезеңі болды.

Біздің мамандар плазманы диагностикалау және қондырғыны эксперименттерге технологиялық тұрғыдан дайындау бойынша тәжірибе алмасып, зерттеулерге қатысты және Қазақстанда КТМ токамагының диагностикалық кешенін дамытуға бағытталған бірлескен жобалардың келешегін талқылады.

Нәтижесінде ынтымақтастықты жалғастыру және жаңа ғылыми-зерттеу бастамаларын іске асыру туралы уағдаластыққа қол жеткізілді.