Ұлттық ядролық орталықтың жас ғалымдары халықаралық деңгейде ерекшеленді

ҚР Ұлттық ядролық орталығының жас мамандар командасы сегіз елден келген қатысушылардың басын қосқан электрохимия бойынша «International Olympiad in Electrochemical Material Science» V Халықаралық олимпиадаcына қатысты.

Қатысушылар халықаралық қазылар алқасының бақылауымен зертханалық практикалық тапсырмаларды нақты уақыт режимінде орындап, есептерін сараптамалық бағалауға ұсынды.

Біздің мамандар «Өлшеу және талдау жабдықтарымен жұмыс істеудегі креативті тәсілі үшін» деп аталатын арнайы сертификатқа ие болып, ақшалай сыйақымен марапатталды.

Мұндай нәтиже ҚР ҰЯО жас ғалымдарының жоғары дайындық деңгейін және халықаралық ғылыми алаңдарда өздерін сенімді түрде көрсете білетінін дәлелдейді.