АСАЖӨО қызметкерлері сейсмикалық деректерді басқаруды үйренді

2025 жылғы 12-16 мамыр аралығында Геофизикалық зерттеулер институтының Арнайы сейсмикалық ақпаратты жинау және өңдеу орталығының қызметкерлері Seismic Data Management Training халықаралық оқу курсына қатысты.

Келесі негізгі үш модульден тұратын курс бағдарламасы қызықты болды:

• SeisComP-ке кіріспе – сейсмикалық деректерді дәл сол уақытта жинауға, өңдеуге және визуалдауға арналған заманауи бағдарлама платформасына шолу жасау. 
• SeisComP-пен жұмыс істеуге үйрету – жүйені теңшеу және пайдалану бойынша практикалық сабақтар.
• EarthScope веб-сервистері – сейсмикалық деректермен жұмыс істеуге арналған онлайн құралдармен танысу.

Оқу курсын EarthScope және ISTI (Instrumental Software Technologies, Inc.) халықаралық ұйымдарының сарапшылары өткізді. Курсқа Кавказ және Орталық Азия елдерінің сейсмологтары да қатысты.

Бағдарлама соңында барлық қатысушыға сертификат табыс етілді.