"Байкал" филиалына 30 жыл


12 Шілде 2019

ҚР Ұлттық ядролық орталығында ҚР ҰЯО РМК "Байкал" филиалының 30 жылдығына арналған салтанатты жиын өтті.

Филиал ССП-да өндірістік қуаттар мен объектілерді салу және пайдалануға беруді, сондай-ақ Курчатов қаласының аумағында тұрғын үй және тұрғын емес мақсаттағы объектілер салуды қамтамасыз еткен салынып жатқан кәсіпорын дирекциясының құқықтық мұрагері болды.

90-шы жылдардың басынан бастап жаңадан құрылған "Байкал" филиалы сәулет және құрылыстық жобалау, құрылыс-монтаж жұмыстары мәселелерін шешу бойынша жұмысты жалғастырды, РАҚ тасымалдауды, радиациялық қауіпті объектілерде табиғатты қорғау іс-шараларын әзірлеуді және орындауды жүзеге асырды.

Филиалдың БН-350 реакторын пайдаланудан шығару және "Байкал 1" реакторлық кешеніне ұзақ уақыт сақтау үшін барлық пайдаланылған ядролық отынды көшіру; "Қазмырыш" ЖШС өнеркәсіптік қалдықтар полигонын салу; КТМ Токамагын, инфрадыбыстық және магниттік станцияларды салу; ядролық қаруды сынау инфрақұрылымын және оның салдарын жою, бұрынғы ССП әскери-өнеркәсіптік кешенін конверсиялау; бұрынғы ЕХМЗ аумағындағы радиациялық қауіпті жағдайды жою сияқты бірегей жобаларды іске асыруға қосқан үлесі баға бергісіз.

         Филиал ұжымын мерекемен құттықтай отырып, ҚР ҰЯО РМК бас директоры Эрлан Батырбеков: "Қол жеткізілген нәтижелердің барлығы – кәсіби қызметкерлердің үздік командасының орасан зор еңбегінің қорытындысы. Сіздер өз мерейтойларыңызды болашаққа сенімді қарауға мүмкіндік беретін жаңа мүмкіндіктерге ие бола отырып қарсы алып отырсыздар",- деп атап өтті.

         Ұжымды мерейтой күнімен құттықтаймыз! Зор денсаулық, өркендеу, әрқайсыңызға жеке бақыт, амандық тілейміз, ең өршіл жоспарларыңызды іске асыруларыңызға тілектеспіз!

 

поздравление юбилей торжественное собрание Байкал РГП НЯЦ РК