ҚР ҰЯО және Швейцарияның NAGRA компаниясы Радиоактивті қалдықтармен жұмыс істеу саласындағы өзара түсіністік туралы меморандумға қол қойды

Қазақстан Республикасының Ұлттық ядролық орталығы мен Швейцарияның NAGRA (National Cooperative for the Disposal of Radioactive Waste) компаниясы Радиоактивті қалдықтармен және пайдаланылған ядролық отынмен жұмыс істеу саласындағы ынтымақтастықты дамытуға бағытталған өзара түсіністік туралы меморандумға қол қойды.

Меморандум РАҚ объектілеріне арналған алаңдарды таңдау және негіздеу, жобалау және пайдалану, сондай-ақ мамандар даярлау бойынша бірлесіп жұмыс жүргізуді көздейді.

Тараптар Қазақстан Республикасында халықаралық талаптар мен стандарттарға сәйкес келетін радиоактивті қалдықтарды басқарудың заманауи және қауіпсіз жүйесін қалыптастыру мақсатында технологиялар мен тәжірибе алмасуға қызығушылық білдірді.

Құжатқа қол қою ҚР ҰЯО-ның халықаралық ғылыми-техникалық ынтымақтастығын нығайту мен экологиялық және радиациялық қауіпсіздік саласындағы серіктестікті дамытудағы маңызды қадам болды.