Ұлттық ядролық орталық «Орталық Азия – Жапония» саммиті аясында бірқатар құжатқа қол қойды

Токиода Қазақстан Республикасының Президенті Қасым-Жомарт Тоқаевтың ресми сапары аясында және «Орталық Азия – Жапония» форматындағы мемлекет басшыларының саммиті кезінде Қазақстан Республикасының Ұлттық ядролық орталығы атом энергиясын бейбіт мақсатта пайдалану саласындағы Қазақстан – Жапония ынтымақтастығын дамытуға бағытталған бірқатар маңызды екіжақты құжатқа қол қойды:
Қазақстан Республикасының Ұлттық ядролық орталығы мен Marubeni Utility Services Ltd. арасындағы ғылыми байланысты кеңейту саласындағы ынтымақтастық туралы меморандум;

• Қазақстан Республикасының Ұлттық ядролық орталығы мен Muroosystems Corporation арасындағы пайдаланылған ядролық отын мен радиоактивті қалдықтарды басқару саласындағы өзара түсіністік туралы меморандум;
• Қазақстан Республикасының Ұлттық ядролық орталығы мен Fukui University Research Institute of Nuclear Engineering арасындағы атом энергиясын бейбіт мақсатта пайдалану саласындағы ғылыми-зерттеу және тәжірибелік-конструкторлық жұмыстар бойынша өзара түсіністік туралы меморандум.

Қол қойылған келісімдер ынтымақтастықтың жаңа перспективасын ашып, бірлескен бастамаларды практика жүзінде іске асыруға, тәжірибе алмасуға және Қазақстан мен Жапония арасындағы ұзақ мерзімді серіктестікті одан әрі тереңдетуге негіз болмақ.