Ұлттық ядролық орталықтың жас мамандары өңірдегі үздіктер қатарында!

Семейде өткен «Бірге! Бір толқында!» атты облыстық жастар форумында өңіріміздің ең белсенді және бастамашыл жас кәсіби мамандары Абай облысы әкімінің марапатына ие болды.

Жоғары кәсіптік шеберлігі, өз саласының дамуына қосқан үлесі және айқын азаматтық ұстанымы үшін ҚР Ұлттық ядролық орталығының қызметкері Өкен Оспан «Жылдың жас еңбек адамы» атағына лайық деп танылды.

Кәсіпорнымыздың атын аймақ деңгейінде абыроймен танытып жүрген жас мамандарымызды мақтан тұтамыз!