«Қазақстан Республикасының Ұлттық ядролық орталығы» РМК Жас ғалымдары мен мамандарының ҒЗТКЖ ХХIV конференция-конкурсы

ҰЙЫМДАСТЫРУШЫЛАР

Қазақстан Республикасы Энергетика министрлігінің «Қазақстан Республикасының Ұлттық ядролық орталығы» республикалық мемлекеттік кәсіпорны

2025 жылғы 23 мамырда ҚР ҰЯО РМК жас ғалымдары мен мамандарының жыл сайынғы ҒЗТКЖ ХХIⅤ ғылыми-зерттеу конференция-конкурсы өз жұмысын аяқтады.

Конкурсқа қатысушылар қазылар алқасына 27 жұмыс ұсынды.

Барлық баяндама тыңдалған соң қазылар алқасы белгіленген өлшемшарт бойынша жұмысты бағалау нәтижелерінің негізінде жүлделі орындарды анықтады.

Конференция-конкурстың нәтижесі:

Ι. Бірінші орын, диплом және ақшалай сыйақы берілді:

        Жанболатов Олжас Мұратбекұлы – АЭИ филиалының сәулелендіру қондырғыларының жылу-физикалық және нейтрондық-физикалық сипаттамаларын зерттеу зертханасының ғылыми қызметкері, «ИГР реакторын төмен байытылған отынға конверсиялау мүмкіндігін есептік негіздеу» жұмысы үшін, инженерлік-техникалық зерттеулер;

 II. Екінші орын, диплом және ақшалай сыйақы берілді:

1. Бачурина Ирина Анатольевна – РҚЭИ филиалының бюджеттік бағдарламалар бөлімінің 1-санатты инженері, «Халық шаруашылығы айналымына беру жоспарланып отырған учаскелерде орналасқан бұрынғы Семей сынақ полигоны аумағының жер ресурстары мен су объектілерін тұрақты басқару жөніндегі web-қосымшаны әзірлеу» жұмысы үшін, инженерлік-техникалық зерттеулер;
2. Ашибаев Арыстан Шыңғысұлы – ЯФИ РМК атом энергиясының қауіпсіздік проблемалары зертханасының зертханашысы, «ВВР-К реакторында Mo-99 өндіруге арналған сәулелендіру капсуласының жылу-физикалық моделін әзірлеу және талдау» жұмысы үшін, қолданбалы зерттеулер;

III. Үшінші орын, диплом және ақшалай сыйақы берілді:

1. Ермакова Рината Геннадьевна – РҚЭИ филиалының мониторинг және экологиялық-талдамалық зерттеулер бөлімінің 2-санатты инженері, «ССП аумағының радиоактивті ластанған суларын табиғаты әртүрлі сорбенттермен сорбциялық тазарту» жұмысы үшін, қолданбалы зерттеулер;
2. Оспанова Жанна Нұрболатқызы – АЭИ филиалының Сутегі энергетикасы саласындағы технологиялық біліктілік орталығының перспективалық материалдар зертханасының инженері, «Аl-мен легирленген Mg негізіндегі сутегін сақтауға арналған материалдың құрылымдық-фазалық күйі» жұмысы үшін, қолбанбалы зерттеулер;
3. Тоқтарұлы Бақытжан – «Жоғары технологиялар институты» ЖШС аға ғылыми қызметкері,  «Сілтісіздендіру ерітіндісін оттегімен қанықтырудың уранды жерасты сілтісіздендіру тиімділігіне әсері» жұмысы үшін, инженерлік-техникалық зерттеулер;

IV. Грамоталар мен көтермелеу сыйлықтары келесі номинация бойынша берілді:

Өзгеше жұмысы үшін

Сәттібеков Азизхан Нұртайұлы – «Үлбі металлургия зауыты» АҚ бериллий зертханасы ғылыми орталығының инженер-зерттеушісі, «Ірі габаритті дайындамаларды қалыптастыру кезінде ПТБ-56 бериллий ұнтағының бөлшектерін төсеу сипаттамаларына дірілді тығыздау режимдерінің әсерін анықтау» жұмысы үшін, инженерлік-техникалық зерттеулер;

Белсенді қатысушы

Қабдылқақов Ержан Асқарұлы – АЭИ филиалының сәулелендіру құрылғыларының жылу-физикалық және нейтрондық-физикалық сипаттамаларын зерттеу зертханасының 2-санатты инженері, «Реакторлық эксперимент жағдайында сәулелендіру құрылғысында натрийдің қайнауын модельдеу» жұмысы үшін, инженерлік-техникалық зерттеулер;

Шешендік өнері үшін

Надеева Анастасия Михайловна – РҚЭИ филиалының мониторинг және экологиялық-талдамалық зерттеулер бөлімінің инженері, «Жерүсті және жерасты суларындағы изотоптық арақатынасты талдау негізінде атмосфералық жауын-шашынның су ресурстарының сапасына әсерін бағалау» жұмысы үшін, қолданбалы зерттеулер;

Үздік безендірілген жұмысы үшін

Шоқпарбай Арай Ерденқызы – ГЗИ филиалының Арнайы сейсмикалық ақпаратты жинау және өңдеу орталығының 2-санатты инженері, «Мұздықтағы жер сілкінісін бақылаудың көп параметрлі жүйесі» жұмысы үшін, қолданбалы зерттеулер;

Ⅴ. Инновациялық жұмысы үшін бір сыйлықақы берілді:

Исағали Әсем Айдарқызы – ГЗИ филиалының Арнайы сейсмикалық ақпаратты жинау және өңдеу орталығының кіші ғылыми қызметкері, «Батыс Қазақстанның жер сілкінісі каталогын – сейсмикалық қауіпті бағалаудың ақпараттық негізін жасау мәселелері» жұмысы үшін, қолданбалы зерттеулер.

VI. ҚР ҰЯО РМК жас ғалымдары мен мамандарының ҒЗТКЖ XXIV конференция-конкурсының барлық қатысушысына қатысқандығы туралы сертификат берілді.