Бұрынғы Семей сынақ полигонының проблемаларын үздік жариялау және объективті көрсету конкурсы (2025)

ҰЙЫМДАСТЫРУШЫЛАР

Қазақстан Республикасының Атом энергиясы жөніндегі агенттігінің «Қазақстан Республикасының Ұлттық ядролық орталығы» республикалық мемлекеттік кәсіпорны

---

1. ЖАЛПЫ ЕРЕЖЕЛЕРІ

1.1. Осы Ереже Қазақстан Республикасының Ұлттық ядролық орталығының бұрынғы Семей сынақ полигонының проблемаларын шынайы сипаттауға және үздік жарияланымға арналған жыл сайынғы конкурсын (бұдан әрі – Конкурс) өткізу тәртібін айқындайды.

1.2. Конкурстың мақсаты:

• республикалық және облыстық БАҚ өкілдерін бұрынғы Семей сынақ полигоны (ССП) аумағын ұтымды пайдалану мен оңалтуға бағытталған қызметті кеңінен және тиімді жария етуге тарту; 
• жұртшылықтың назарын Ұлттық ядролық орталықтың бұрынғы ССП аумағының қауіпсіздігін қамтамасыз ету кезінде шешетін мәселелерге аудару; 
• БАҚ өкілдеріне бұрынғы ядролық полигон аумағының проблемаларын шешуге және адамның жайлы және қолайлы қоршаған ортада өмір сүруіне арналған конституциялық құқығын қорғауға өз үлесін қосуға мүмкіндік беру.

1.3. Конкурстың міндеттерді:

• бұқаралық ақпарат құралдарының көмегімен кәсіпорынның қызметіне өңір тұрғындарының оң көзқарасын қалыптастыру;
• бұрынғы ССП аумағын ұтымды пайдалану идеясын насихаттау;
• ядролық сынақтардың барлық қасіретін басынан өткерген, ядролық қарусыз әлемге бағытталған қозғалыстың алдыңғы қатарында келе жатқан халықтың атом энергиясын тек адамзаттың игілігі үшін пайдаланатын өз еліне деген мақтаныш сезімін тәрбиелеу;
• өңірдің бұрынғы ССП аумағымен және ҚР Ұлттық ядролық орталығының ғылыми-техникалық әлеуетімен байланысты даму перспективаларын жариядау.

2. КОНКУРСТЫҢ ҰЙЫМДАСТЫРУШЫСЫ

2.1.   Конкурсты ұйымдастырушы «Қазақстан Республикасының Ұлттық ядролық орталығы» республикалық мемлекеттік кәсіпорны (ҚР ҰЯО РМК).

2.2.   Конкурсты ұйымдастырушы:

• Конкурстың барлық қатысушылары үшін тең жағдайларды;
• Конкурсты өткізудің жариялылығын;
• дұрыс шешім қабылдау мақсатында қазылар алқасының жұмысы үшін жағдай жасауды;
• Конкурс нәтижелері туралы мәліметтердің олар ресми жарияланған күнге дейін таралып кетпеуін қамтамасыз етеді. 

2.3. Конкурсты ұйымдастыру комитетінің төрағасы және Конкурстың қазылар алқасының төрағасы «Қазақстан Республикасының Ұлттық ядролық орталығы» РМК бас директоры.

2.4. Ұйымдастыру комитетінің төрағасы:

• Конкурс туралы ережені бекітеді, өзгерістер енгізеді.
• Конкурсты өткізу қорытындысын бекітеді.
• Конкурстың қазылар алқасының құрамын бекітеді.

3. КОНКУРСҚА ҚАТЫСУ ШАРТТАРЫ

3.1. Республикалық және облыстық баспасөз ақпарат құралдарының жеке және заңды тұлғалары конкурстың қатысушылары бола алады.

3.2. Еркін журналистер мен авторлардың да еңбектері қабылданады. Жеке автордың (немесе авторлардың) конкурсқа ұсынатын материалы 5-тен, баспасөз БАҚ редакцияларының, теле- және радиокомпаниялардың, интернет-басылымдар мен ақпараттық агенттіктердің бірыңғай тақырыппен біріктірілген материалы 3-тен аспауы тиіс.

3.3. Материалдарды барлық жанрда: сұхбат, проблемалық мақалалар, очерктер, теле- және радиорепортаждар, фотоочерктер түрінде ұсынуға болады.

3.4. Қатысуға мынандай жарияланымдар қабылданады:

• ҚР ҰЯО РМК-ның атом энергетикасын, басқарылатын термоядролық синтез және сутегі энергетикасы технологияларын, радиациялық қауіпсіздік пен экологияны дамыту, таратпау режимін қолдау және Ядролық сынақтарға жан-жақты тыйым салу туралы шарт (ЯСЖТШ), атом саласын ақпараттық және кадрлық қолдау саласындағы қызметі;
• ҚР ҰЯО РМК-ның бұрынғы ССП аумағын қауіпсіз күйге келтіру жұмыстарының қорытындысы;
• бұрынғы ССП аумағында атом саласын дамыту;
• ССП-ны құру тарихы және ядролық сынақтардың салдары туралы.

3.5. Конкурсқа қатысуға ниет білдірген журналистер мен редакциялар мақалалардың расталған түпнұсқаларын немесе көшірмелерін, фотоматериалдарды, аудио және бейнежазбаларды жібереді.

3.6. Жіберілген материалдар рецензияланбайды және қайтарылмайды.

3.7. Қолданылатын тіл – Қазақстан Республикасының мемлекеттік тілі және орыс тілі.

3.8. Конкурсқа қатысуға арналған өтінім белгіленген нысанда беріледі (осы Ереженің қосымшасында көрсетілген). Сіз өтінішті сілтеме арқылы жүктеп, көре аласыз

3.9. Материалдарды беруге қойылатын талаптар:

• баспа жарияланымдары ұсынылатын материал жарияланған баспа басылымы нөмірінің түпнұсқасы немесе оны жариялаған басылымның нөмірі мен күні көрсетілген жарияланымның көшірмесі түрінде не мақаланың электрондық нұсқасы түрінде ұсынылады;
• электрондық материалдар электрондық жеткізгіштерде ұсынылады немесе ресурсқа қолданылатын сілтеме көрсетіледі.

3.10. Жарияланбаған және теле- немесе радиобағдарламалар эфиріне шықпаған материалдар Конкурсқа қатысуға жіберілмейді.

3.11. Жарнамалық материалдар, сондай-ақ коммерциялық шартпен БАҚ-қа орналастырылған ақпараттық материалдар Конкурс материалдары ретінде қарастырылмайды.

3.12. Конкурсқа Конкурс жарияланған күнге дейінгі соңғы үш жылда БАҚ-та жарияланған материалдар ұсынылады. Бұрын конкурсқа ұсынылған және сыйлықақы алған жұмыстар қарауға қабылданбайды.

4. КОНКУРСТЫҢ НОМИНАЦИЯЛАРЫ МЕН ӨЛШЕМШАРТТАРЫ

4.1. Конкурс шеңберінде келесі номинациялар белгіленеді:

• «Республикалық және облыстық баспасөз бұқаралық ақпарат құралдарындағы үздік жарияланым үшін» – тақырыптық немесе көркем мақала, очерк, сұхбат;
• «Электрондық бұқаралық ақпарат құралдарындағы және интернет-басылымдардағы үздік жарияланым үшін» – берілген тақырып бойынша мәселелер талқыланатын телевизиялық, радиобағдарлама, интернет-бағдарлама (тақырыптық, деректі, талдамалық), сюжет, репортаж.

4.2. Материалдардың құндылығын сипаттайтын өлшемшарттар: өзектілігі, жеделдігі, проблеманы ашып көрсетуі, орындау шеберлігі, жауап пікірлердің болуы.

5. КОНКУРСТЫ ӨТКІЗУ ТӘРТІБІ

5.1. Конкурс жыл сайын желтоқсанда өткізіледі.

5.2. Конкурс туралы хабарландыру бұқаралық ақпарат құралдарында жарияланады.

5.3. Конкурсты өткізу кезеңдері:

• Өтінімдерді қабылдау: 1 қазан – 30 қараша.
• Номинанттарды іріктеу: 30 қараша – 5 желтоқсан.
• Жеңімпаздарды анықтау: 5 – 10 желтоқсан.
• Жеңімпаздарды марапаттау: желтоқсан.

5.4. Конкурсқа арналған материалдар мына мекенжайға жіберіледі:

071100, Қазақстан Республикасы, Абай облысы,

Курчатов қаласы, Бейбіт атом көшесі, 2Б

телефон: 8(72251) 3-33-33

факс 8(72251) 3-38-58

E-mail: gross_a@nnc.kz

6. КОНКУРСТЫҢ ҚОРЫТЫНДЫСЫН ШЫҒАРУ ЖӘНЕ ЖЕҢІМПАЗДАРДЫ НАГРАДТАУ

6.1. Жұмыс қаралғаннан кейін жеңімпаз қазылар алқасының ашық дауыс беруімен анықталады.

6.2. Қазылар алқасының шешімі соңғы болып табылады және хаттамамен рәсімделіп, бас директордың бұйрығымен бекітіледі.

6.3. Конкурс жеңімпаздарын мадақтау үшін келесі орындар белгіленген:

• 1-орын – ҚР ҰЯО РМК дипломы/ескерткіш таңбасы және ақшалай сыйлықақы;
• 2-орын – ҚР ҰЯО РМК дипломы және ақшалай сыйлықақы;
• 3-орын – ҚР ҰЯО РМК дипломы және ақшалай сыйлықақы.

6.4. Одан кейінгі орындарды иеленген Конкурсқа қатысушылар Конкурс лауреаттарының дипломдарымен, бағалы сыйлықтармен немесе ақшалай сыйлықақымен наградталады.

7. ҚОРЫТЫНДЫ ІС-ШАРА

7.1. Конкурс қорытындысы желтоқсанда шығарылады. Наградтау рәсімі Қазақстан Республикасының Тәуелсіздік күніне орайластырылып желтоқсанда өткізіледі.

7.2. Қорытынды іс-шараға Конкурсқа қатысушылар, жұртшылық және БАҚ өкілдері шақырылады.

7.3. Конкурс қорытындысы және сыйлықтарды салтанатты табыстау рәсімі республикалық және облыстық БАҚ-тарда жарияланады.