Кәсіпорын туралы

Қазақстан Республикасының Ұлттық ядролық орталығы (ҚР ҰЯО) Қазақстан Республикасы Президентінің 1992 жылғы 15 мамырдағы № 779 Жарлығымен бұрынғы Семей полигонының әсери-өнеркәсіп кешенінің, сондай-ақ Республика аумағында орналасқан тиісті ғылыми ұйымдар мен объектілердің негізінде құрылды.

Орталықтың қызметі Министрлер Кабинетінің 1993 жылғы 21 қаңтардағы № 55 қаулысымен анықталған міндеттерге сәйкес атқарылады:

• Қазақстан аумағындағы ядролық қару сынақтарының салдарын жою;
• Қазақстанда атом энергетикасын дамыту үшін ғылыми-техникалық, технологиялық және кадрлар базасын құру;
• бұрынғы Семей сынақ полигонының әскери-өнеркәсіп кешенін конверсиялау және оның ғылыми-техникалық әлеуетін Қазақстан Республикасының мүддесіне пайдалану;
• әлемнің қолданыстағы полигондарындағы ядролық қару сынақтарын бақылау.

Қазақстан Республикасының Үкіметімен қабылданған қаулылырдың бірқатарымен орталықтың ұйымдық құрылымы анықталды:

• Ядролық физика институты (Алматы қ., Курчатов қ., БҚО Аксай к.)
• Атом энергиясы институты (Курчатов қ.)
• Геофизикалық зерттеулер институты (Курчатов қ., Бурабай к., Алматы қ., Қаскелең, Ақтөбе, Мақаншы)
• Радиациялық қауіпсіздік және экология институты (Курчатов қ.)
• "Байкал" кәсіпорны (Курчатов қ.)
• Қазақ мемлекеттік жарылыс жұмыстарының ғылыми-өндірістік орталығы (Алматы қ.)